|| ઘર || મોઢેશ્વરી માં નું પ્રાગટય || મોઢેરાનો ઇતિહાસ || મોઢની ઉત્પત્તિ || મોઢેશ્વરી માં ના મંદિરો || મોઢ-બ્રાહ્મણ || મોઢ-વણિક || મોઢ-માંડલિયા || મોઢ-મોદી || મોઢ-પટેલ || જયેષ્ઠીમલ્લ || સંપર્ક ||

મોઢ-બ્રાહ્મણ કચ્છમાં

મોઢ-બ્રાહ્મણોની વાડી

ગૌત્ર

નવરાત્રિ

મૉઢબ્રાહ્મણોનું કચ્છમાં આગમન

                અલ્લાઉદીન ખિલજીએ જયારે ગુજરાત ઉપર વિજય મેળવ્યો. બાદમાં ગુજરાતના મંદિરો તુટવા લાગ્યા અને જયારે મોઢેરા ઉપર આક્રમણ થયું ત્યારે મોઢ બ્રાહ્મણોએ તેમનો ખૂબ જ હિંમ્મતપૂવૅક સામનો કર્યો. પરંતુ મુસ્લીમો તેઓને હરાવી શકયા નહિં. તેથી તેઓએ સુલેહ કરી કે બ્રાહ્મણો જો ૫,૦૦૦ સોના મહોરો આપે તો મુસ્લીમ સૈન્યો પાછા જશે તેવી સુલેહ થઇ અને મોઢેરા ગામના દરવાજા ખુલ્યા. પરંતુ મુસ્લીમોએ દગો કર્યો અને તેમના ઉપર આક્રમણ કર્યું. જેથી મોઢેરા મંદિર લુંટાયું. બ્રાહ્મણોએ માતાજીની મૂર્તિને ખંડિત ન કરે તે માટે બ્રાહ્મણોએ માતાજીની મૂર્તિને ધમૅવાવમાં પધરાવી દીધી અને મોઢ બ્રાહ્મણો અલગ અલગ દિશામાં નીકળી ગયા. તેમાંથી અમુક પરિવારો મોઢેરા થઇ મોરબીના મચ્છુ કાંઠે આવી વસ્યા અને ત્યાર બાદ ત્યાંથી ચૌદમી સદીમાં કચ્છમાં આવ્યા અને ધંધા વ્યવસાય પ્રમાણે કચ્છના જુદાજુદા ગામોમાં જઇ વસ્યા. આમ મચ્છુ કાંઠેથી આવનારા મોઢ બ્રાહ્મણો મચ્છુ કાંઠિયા ચાર્તુવેદી મોઢ બ્રાહ્મણો કહેવાયા. કચ્છ જિલ્લામાં ભુજ અને અંજાર એમ બે શહેરોમાં મોઢ બ્રાહ્મણોની યજ્ઞશાળા (સમાજવાડી) આવેલ છે. હાલમાં કચ્છમાં મોઢ બ્રાહ્મણોની વસ્તી અંદાજે ૧,૫૦૦ જેટલી કહી શકાય.                               

ઉપર

ગામ-શહેર

સમાજવાડીનું સરનામું

ભુજ-કચ્છ

અંજાર-કચ્છ

મોરબી

વડોદરા

 નવરાત્રિ

                   નવરાત્રિના નવ દિવસ સુધી ભુજ-કચ્છ ખાતે આવેલ મોઢશેરીમાં મોઢ બ્રાહ્મણો ઉભા ઉભા માતાજીની સ્તુતિ, આરતી, શક્રાદય, છંદો ગાઈને માતાજીની આરાધના કરે છે. નોરતામાં દરરોજ સૌપ્રથમ માતાજીની આરતી કરવામાં આવે છે. ત્યાર બાદ શક્રાદય ગવાય છે અને છેલ્લે આરતી કરી અને પછી થાળ ગવાય છે. છંદોમાં કોઈક દિવસે બે તો કોઈક દિવસે ચાર છંદો ગવાય છે. નવે નવ દિવસ આ પ્રમાણે જ છંદો ગવાય છે. આઠમના દિવસે બહુચરા માતાજીના મંદિરમાં પહેલા ચાર છંદો ગવાય છે અને ત્યાર બાદ તે જ છંદો ગરબીમાં ગવાય છે. દશેરાના દિવસે બ્રાહ્મણો માતાજીના છંદો ગાઈ માતાજીનો ગરબો ભુજ ખાતે આવેલ આઈ શ્રી આશાપુરા માતાજીના મંદિરે પધરાવે છે. ગરબો પધરાવવા બ્રાહ્મણો પગપાળા અને ‘જય ભવાની જય અંબે’ ના નાદ સાથે જાય છે. આશાપુરા માતાજીના મંદિરે પણ આઈ શ્રી આશાપુરા માતાજીના બે છંદો ગવાય છે અને પછી જ ગરબો પધરાવાય છે. ગરબો પધરાવીને પરત આવતી વખતે પણ માતાજીના છંદો ગવાય છે. પરત આવી બહુચરા માતાજીના મંદિરે માતાજીનો થાળ ગવાય છે. શરદપુનમના દિવસે કૃષ્ણ ભગવાનના બે રાસ તથા થાળ ગવાય છે. આમ આખી નવરાત્રિ દરમ્યાન ફકત માતાજીના છંદો જ ગવાય છે.